Чави: Завршив со Барса, никогаш нема да се вратам таму

Легендата на Барселона, Чави Ернандез изненадувачки ја отфрли можноста некогаш во иднина да се врати во каталонскиот клуб.

Чави беше легенда како фудбалер на Барселона, а како тренер ја освои Ла Лига. Но се чувствува повреден поради начинот на кој замина.

„Никогаш нема да се вратам во Барса. Моето време таму е завршено и како фудбалер и како тренер“, вели Чави.

„Има многу работи кои ме повредија, но нема да зборувам од огорченост, туку едноставно од правада“.