Чаби Алонсо замина од Реал Мадрид, кралскиот клуб има нов тренер!

Реал Мадрид ја соопшти разделбата со Чаби Алонсо која доаѓа по поразот од Барселона во финалето од шпанскиот Суперкуп.

Чаби Алонсо повеќе не е тренер, шпанскиот стратег не издржа ни една цела сезона, Реал Мадрид официјално го соопшти неговото заминување.

„Реал Мадрид соопштува дека со взаемна согласност меѓу клубот и Чаби Алонсо беше одлучено негово време како тренер на првиот тим да заврши“, стои меѓудругото во соопштението на клубот кој му се заблагодарува на него и на стручниот штаб кој исто така заминува.

„АС“ пишува дека наводно Алонсо самиот побарал да замине, но малкумина веруваат во тоа.

За нов тренер е назначен Алваро Арбелоа. Тој беше тренер на младинскиот тим на Реал Мадрид.