Чаби Алонсо со еден потег го навлекол гневот во соблекувалната на Реал

Медиумите од Шпанија пренесуваат за нова тензија во соблекувалната на Реал Мадрид поради одлуката на Чаби Алонсо да се преспие во Билбао во пресрет на пресметката со Атлетик.

„Кралевите“ денеска го играат шестото гостување во низа (две во Лигата на шампиони и четири во домашното првенство), а за пресметката на „Сан Мамеш“, Чаби Алонсо донесе одлука која не помина добро во соблекувалната.

Стратегот реши експедицијата на Реал Мадрид да патува ден пред натпреварот и да преспие во Билбао и покрај тоа што летот е само еден час.

На дел од фудбалерите не им се допаднало ова, кои сметаат дека треба да добијат екстра ден со семејствата, особено сега пред божиќните и новогодишните празници.