Алекс
Осклејд-Чемберлејн се огласи на социјалните мрежи по повод заминувањето од Арсенал
и трансферот во Ливерпул, тој воедно упати благодарност до сите во Арсенал,
пред се’ до Арсен Венгер и
фановите на овој тим, вели дека одлуката била тешка за него, но смета дека
истовремено е исправна.
„По шест минати
години, три ФА купови освоени и неверојатни моменти, дојде моментот да се
разделам од Арсенал. Сакам јавно да му се заблагодарам на Арсен Венгер, целиот
стручен штаб на тимот и раководството на клубот, воедно и на сите колеги за
огромната шанса која ја добив. Им се заблагодарувам и на навивачите, секогаш ме
поддржуваа, не можев да имам подобар престој во Арсенал од тој што го имав,
среќен сум за тоа. Клубот и времето поминато таму секогаш ќе бидат во моето
срце. Знам дека мојата одлука беше изненадувачка за многумина, одлуката беше
исклучително тешка после толку минати години во тој клуб, но чувствувам дека
овој потег од моја страна е исправен за мојот развој како фудбалер“ напиша
Чемберлејн на социјалните мрежи.
24 годишниот
офанзивец потпиша петгодишен договор со Ливерпул а ќе има неделна заработувачка
од 120,000 фунти, тој истакна дека му е чест и задоволство што во иднина ќе го
носи дресот на тимот од „Енфилд Роуд“.