Ливерпул по
домашната победа од 3-0 беше со една нога во полуфиналето од Лигата на
шампионите, но кога станува збор за противник како Манчестер Сити, јасно беше
дека реваншот требаше да се одработи максимално.
Сити имаше
минимално водство од 1-0 на полувремето и доминација на теренот која ветуваше
многу во вториот дел од средбата, но токму во тој период од мечот Ливерпул
дојде до победа од 1-2, а Окслејд-Чемберлејн откри дека главна улога одиграл
Јирген Клоп кој имал говор на полувремето кој им донел голема самодоверба на
фудбалерите, а воедно и мотивација.
„Тој е
неверојатен тренер, тоа го докажа низ годините наназад, тоа го докажува и сега,
на тактички план секогаш има идеја, знае како да ги мотивира своите фудбалери“
истакна Чемберлејн.
„Не смири и ни
даде голема самодоверба и мотивација на полувремето, тој ни рече ‘без разлика што и да се случи, дали ќе
поминеме или нема да го сториме тоа, ние ќе го играме нашиот стил наигра’, мислам дека ова беше причината која се
смени текот на играта во второто полувреме“ додаде офанзивецот.