Медиумите од Италија пренесуваат дека Челси доставил формален предлог до Виктор Осимен и на маса ставиле годишна плата од 10 милиони евра, сумата која напаѓачот ја заработува во моментов во Наполи.
Минатата недела се појавија гласини кои велеа дека Виктор Осимен на Челси му побарал луда плата и 500.000 фунти (нешто под 600.000 евра) неделно за преселба на „Стемфорд Бриџ“.
Сега пристигна и контра-предлогот, „сините“ на маса ставиле договор со плата од 10 милиони евра, сумата која напаѓачот ја заработува во моментов во Наполи и три пати помалку од она што го побара Нигериецот.
Намерата на Челси е прво да постигне договор со самиот играч, и потоа да ги интензивира преговорите со Наполи.
Се шпекулира дека Тод Боли е подготвен да одвои околу 70 милиони евра како обесштетување, слично како понудата која оваа недела ја достави Ал Ахли.