Во последниот ден од преодниот рок, Челси имаше договор со Страсбур за продажба на Дејвид Вашингтон во зделка вредна околу 24 милиони евра, но „сините“ се исплашиле од истрага на Премиерлигата и во последен миг се откажеле од трансферот.
„Сините“ користата многу дупки во правилата за да ги балансираат сметките и да ги оправдаат големите инвестиции на газдата Тод Боли на трансфер пазарот без притоа да бидат казнети.
Одредени зделки се прилично сомнителни, а таква беше и онаа со која Дејвид Вашингтон требаше да се пресели во Страсбур за 21+3 милиони евра.
Сепак, Челси се исплашил од истрага на Премиерлигата, па во последен миг се откажа од овој трансфер.
Спорно е тоа што Челси и Страсбур имаат ист сопственик, конзорциумот предводен од Тод Боли.
Втора е сумата на трансферот, Дејвид Вашингтон минатото лето се пресели на „Стемфорд Бриџ“ за 16 милиони евра и не покажа ништо, а сега ќе требаше да донесе убав ќар, односно Страсбур да одвои за себе рекордна сума за играч кој одигра само 25 минути во првиот тим на Челси.
Трет сомнителен момент е и тоа што Страсбур не се обидуваше да купи нов напаѓач во последниот ден од преодниот рок, уште помалку токму Дејвид Вашингтон, и добро упатените во ситуацијата велат дека всушност Челси е тој што цело време инсистирал на зделката.
Кога почнаа да кружат гласините за една ваква зделка, Премиерлигата веднаш ги вклучила алармите и почнала да се распрашува што точно се случува, па Челси се исплашил од официјална истрага и потенцијална казна, па на крајот реши дека е побезбедно да се откаже од трансферот.
