Техничкиот директор на ФИФА, Марко ван Бастен предложи низа револуционерни промени во фудбалот. Дел од оние кои бодат очи се укинувањето на офсајд, воведување исклучувања како во ракометот, портокалови картони и нов начин на шутирање пенали.
Ваквото размислување на Ван Бастен крена лавина реакции, а претседателот на УЕФА, Александер Чефереин иронично изјави како се надева дека ФИФА ќе ја остави барем топката округла.
„Не ни требаат револуционерни промени во фудбалот, тој е фантастичен таков каков што е. Офсајдот е многу важно правило“ – изјави Чеферин за германскиот весник Де Велт.
„Јас не дојдов тука за сите за викаат ‘Чеферин го промени ова или тоа, тој беше многу важен’. Зошто би ја менувале најубавата игра во светот?“.
„Слушајки ги сите тие сугестии, можеме само да се надеваме дека ФИФА ќе ја остави топката или барем ќе остави топката да биде округла“ – иронично прокоментира Чеферин.
Чеферин најави и дека ќе бара најмалку 16 европски репрезентации да бидат присутни на Светското првенство кое ќе се зголеми на 48 репрезентации.