Цаке: Ова е историски момент за Шкендија, сакаме три бода!

Македонскиот шампион Шкендија во второто коло на Конференциската лига на УЕФА ќе игра против Шелбурн.

Тетовчани првпат ќе заиграат натпревар од главна фаза на едно европско натпреварување на домашно тло, а пред натпреварот своите очекувања ги изнесе еден од лидерите на тимот Клинсман Цаке.

„Ова е историски момент за Шкеднија и со нетрпение го чекаме. Очекуваме голема поддршка од трибините. Досега покажавме дека во Европа играме добро, имаме солидни резултати и одиме кон трите бода. Повикот во репрезентацијата на Албанија ми е мотив плус, бидејќи до тоа дојдов со одличните игри за Шкендија, па сакам да продолжам да играм добро“, изјави Цаке.

Натпреварот на „Тодор Проески“ меѓу тетовчани и ирскиот ривал се игра в четврток во 18:45 часот.