Брно потврди: Еден од најголемите македонски таленти продолжува во Чешка!

Младиот македонски фудбалер Мартин Ѓоѓиевски (20) ја продолжува кариерата во Чешка. Тој од редовите на Брера Струмица се сели во второлигашот Збројовка Брно и потпиша повеќегодишен договор.

Од Брно информираат дека интерес за него покажале и повеќе европски клубови, меѓу кои полскиот Ракув, кипарскиот Пафос и шкотскиот Данди.

,,Ова е голем чекор за мојата кариера. Чешкиот фудбал е на високо ниво и сакам со Брно да избориме пласман во најсилната лига. Верувам дека ќе бидам среќен во овој клуб и во овој град,“ изјави Ѓорѓиевски по потписот.

Ѓорѓиевски зад своето има има 83 настапи во ПМФЛ и 13 постигнати голa. Исто така е редовен член и на младинските селекции, а веќе запиша и настап за Македонија У21.