Бразил со ултиматум до Анчелоти

Фудбалската федерација на Бразил испратила ултиматум до Карло Анчелоти, стратегот до мај треба да каже дали сака да стане предводник на „кариоките“.

Карло Анчелоти подолго време се посочува како главен кандидат за селекторското столче на Бразил, но стратегот не сака толку лесно да се откаже од клупата на Реал Мадрид.

Според последните информации, „кариоките“ нема вечно да го чекаат Италијанецот и поставиле ултиматум.

Фудбалската федерација на Бразил го известила Карло Анчелоти дека до мај треба да донесе конечна одлука.