Медиумите од Бразил откриваат детали од соработката помеѓу Карло Анчелоти и „кариоките“, стратегот ќе добие огромна плата, „дебел“ бонус за триумф на Светското првенство во САД, а на располагање ќе добие и приватен авион.
Фудбалската федерација на Бразил синоќа официјално потврди дека Карло Анчелоти ќе биде нов селектор на националниот тим и порача дека најдобриот тренер го презема кормилото на најдобрата репрезентација.
Медиумите од Бразил сега откриваат детали од соработката и велат дека Карло Анчелоти ќе биде третиран како крал.
Италијанецот ќе има годишна плата од 9-10 милиони евра со што ќе биде најплатениот селектор.
Покрај огромната плата, на Карло Анчелоти му е ветен и „дебел“ бонус од 5 милиони евра за триумф на Светското првенство во САД.
Стратегот исто така на располагање ќе има и приватен авион со кој ќе може да патува кога ќе посака во Европа или Канада, каде што живее неговата сопруга.