Борусија Дортмунд остана без уште еден стопер

Борусија Дортмунд остана без уште еден дефанзивец, бидејќи против Барселона се повреди Нико Шлотербек.

„Милионерите“ загубија со 2-3 во шестото коло на Лигата на шампионите, а во последните секунди од натпреварот тренерот Нури Шахин остана без стоперот кој не можеше да продолжи. Се работеше за повреда на зглобот, бидејќи Шлотербек лошо падна и го свитка истиот.

За Борусија ова е дополнителен проблем бидејќи е нејасно колку Шлотербек ќе паузира.

Претходно на истата позиција повреди заработија Никлас Зуле и Антон, па сега тимот е во незавидна позиција за дефанзивата.