Бонучи уште не потпишал за Милан а носи засилување, му се јавил на поранешен соиграч од Јуве

Леонардо Бонучи на големо изненадување се сели од Јувентус во Милан.

Двата клуба се договорија, останува само играчот да ги помине редовните лекарски прегледи и да стави потпис на договорот.

И додека се уште трансферот официјално не е реализиран, медиумите од Италија пренесуват нова неверојатна вест поврзана со дефанзивецот.

Газета дело Спорт пишува дека Леонардо Бонучи му се јавил на поранешниот соиграч од Јувентус, Алваро Мората и го повикал да му се придружи на Сан Сиро.

Милан сака да ангажира нов напаѓач, минатиот месец се поврзуваше со Алваро Мората, но интересот се олади.

„Росонерите“ се насочија кон други цели, и во последно време се поврзуваат со Пјер Емерик Обамејанг од Дортмунд.