Бобан Николов се враќа во Вардар, доаѓа и аргентинско засилување

Поранешниот македонски репрезентативец, Бобан Николов во наредните денови ќе потпише за Вардар, трансферот е договорот, а црвено-црниот дрес ќе го облече и Аргентинецот, Хоакин Торес.

Извршниот директор на Вардар, Миленко Неделковски сподели дека од среда Бобан Николов ќе му се стави на располагање на Вардар.

Тој доаѓа во црвено-црниот табор како слободен играч откако го раскина договорот со романскиот тим Фарул Костанца.

За Вардар потпишува и аргентинското крило, Хоакин Торес кој минатата година играше во бразилската Серија Б, во тимот на Амазонас. А има настапи и во МЛС во тимовите на Филаделфија и Монтереал. Тој потекнува од школата на Њуелс Олд Бојс.