Хрватската фудбалска легенда, Ѕвонимир Бобан смета дека Интер убедливо ќе ја победел Барселона доколку бил на местото од Дортмунд во вторникот.
Барселона ја декласираше Борусија Дортмунд победувајќи ја со 4-0, а можеше да ѝ даде и повеќе голови.
Но, легендата на Милан, Звонимир Бобан има едно мислење кое е поинакво од сите други.
„Да играше Интер на Монжуик на местото од Дортмунд, ќе дадеше најмалку три гола“, рече Бобан за „Скај Спорт Италија“ и објасни зошто.
„Тоа јасно го гледам од начинот на кој Интер игра и го користи просторот“.
Интер е познат по тоа што одлично се брани, но и фантастично се трансформира, го користи противничкиот простор и ги казнува грешките.
Големи се шансите во полуфиналето да се сретнат токму Барселона и Интер, па тогаш ќе се види дали мислењето на Бобан е реално.
Барса веќе може да се смета за учесник во полуфиналето, а Интер со 2-1 го совлада Баерн во Минхен, па и тие имаат направено крупен чекор кон четирите најдобри.
„Ако двете екипи продолжат понатаму и Барселона пак игра така офанзивно, Интер може да ѝ нанесе многу штета. Ако остават толку простор, Интер во тој сегмент може да биде многу моќен. Сепак сметам дека ако има таков дуел, Барселона ќе биде многу внимателна и ќе се брани поинаку отколку како против Борусија Дортмунд“, заклучи Бобан.