Бобан и Малдини импресионирани од Елмас, Милан со 30 милиони евра ќе тргне по Македонецот?!

„Дијамантот“ изминатово лето се пресели на Сан Паоло во трансфер вреден 16 милиони евра, плус бонус од 1,5 милиони евра, а Фенербахче ќе добие и 1,5 милиони евра од следната зделка.

Елиф Елмас за кратко време ги воодушеви Италијаните со партиите кои ги прикажува, особено со зрелоста во играта и покрај тоа што се работи за фудбалер кој во септември наполни 20 години.

Од Турција сега пристигнува бомбастична вест, неколку весници пренесоа дека Елиф Елмас ги импресионирал Звонимир Бобан и Паоло Малдини, па Милан со 30 милиони евра ќе тргне по потписот на Македонецот.

„Росонерите“ изминатово лето донесоа неколку засилувања за средината на теренот, на Сан Сиро пристигнаа Раде Круниќ и Исмаел Бенасер, но двајцата тешко фаќаат место во првиот тим.