ЕЛЕМ го издржа притисокот и славеше во дуелот со ЈСП
ЕЛЕМ 6-4 (5-4) ЈСП
ЕЛЕМ: Антонио Нечевски 16’ Синиша Ковачевиќ 9’ Тихомир Груевски 2’ 6’ 38’ Ледрон Кадриу 8’
ЈСП: Љупчо Павловиќ 4’ 17’ Тихо Фидановски 2’ 19’
Одличен почеток за екипата на ЕЛЕМ во дуелот со ЈСП тие уште во втората минута од натпреварот го отворија резултатот и поведоа со 1-0. Екипата на ЈСП имаше брз одговор и уште во истата минута успеа да израмни на 1-1. Натпреварот продолжи во висок ритам и со отворена игра што донесе многу голови во раната фаза. Екипата на ЕЛЕМ дојде до повторна резултатска предност, а до 16та минута успеаа да дојдат до резултат од 5-2. Екипата на ЈСП по оваа негатива успеа да ги консолидира своите редови и од минута во минута да ја намалува разликата. На полувремето екипата на ЕЛЕМ замина со предност од само еден гол при резултат од 5-4. Во второто полувреме екипата на ЈСП продолжи со одлична игра и под диригентската палка на Калиноски се почесто се закануваше кон голот на противникот. Екипата на ЕЛЕМ одлично ја постави играта во одбраната и успеваше да ги одбие налетите на противникот и сочува својата мрежа. Како одминуваше времето се подигаше темпото на игра што ја направи завршницата на овој натпревар вистинска драма, екипата на ЈСП во своите редови внесе голман играч со цел да створи вишок во нападот. Екипата на ЕЛЕМ успеа да ја сочува својата мрежа, а по грешка на противникот успеа и да ја зголеми предноста за победа во овој дуел со 6-4
Во дерби натпревар Макпетрол поуспешни од Стопанска Банка
Макпетрол 5-3(1-1) Стопанска Банка
Макпетрол: Виктор Доневски 2’ 32’ Боце Ефремов 33’ Наум Тауловски 28’ Давид Митровски 34’
Стопанска Банка: Кристијан Апостоловски 30’ Кристијан Богдановски 20’ 22’
Екипата на Макпетрол во дуелот со Стопнска Банка влезе со цврста и офанзивна игра што им донесе предност уште во раната фаза од полувремето, преку Доневски во 2та минута успеаа да поведат со 1-0. По оваа негатива екипата на Стопнска Банка започна со нешто поофанзивна игра и често се закануваше кон голот на противникот. Во самата завршница од полувремето екипата на Стопанска Банка успеа да го израмни разултатот и на полувремето се замина со израмнет резултат од 1-1. Во второто полувреме екипата на Стопанска Банка продолжи со силен притисок и преку вториот погодок на Богдановски успеа да дојде до целосен резултатски пресврт и поведе со 1-2. Во второт полувреме се играше гол за гол, екипата на Стопнска Банка не успеа да ја задржи предноста па Макпетрол повторно дојде до израмнување а потоа и повторно водство. Кај екипата на Стопнска Банка кратката клупа беше клучен фактор во овој дуел, немањето играч плус во ротација се одрази на завршницата на овој дуел. Екипата на Макпетрол на крајот од натпреварот ја сочува предноста и славеше со 5-3.
Илиевски ја водеше Фабрика Карпош – ГИМ до победа над Гранит
Фабрика Карпош – ГИМ 8-1(3-0) Гранит
Фабрика Карпош – ГИМ: Бојан Голабовски 39’ Георги Божиков 11’ Филип Илиевски 6’ 22’ 28’ 30’ 33’
Лазар Божиков 2’
Гранит: Виктор Нацев 37’
Екипата на Фабрика Карпош – ГИМ од самиот старт на полувремето наметна високо темпо на игра во дуелот против екипата на Гранит. Ваквата брза и офанзивна игра им донесе рано водство во 2та минута преку погодокот на Божиновски и водство од 1-0. Екипата на Гранит започна со посилен притисок кон голот на противникот, но Фабрика Карпош – ГИМ ја искористи отворената игра па преку Илиевски и Божиков успеа да ја зголеми предноста на 3-0. Екипата на Гранит до полувремето не успеа да го изненади противникот па на паузата замина со три гола негатива. Во второто полувреме екипата на Фабрика Карпош продолжи со одлична игра и од минута во минута преку расположениот Илиевски ја зголемуваше својата предност. Екипата на Гранит денес не успеа да најде решение за одличната игра на Фабрика Карпош – ГИМ кои на крајот од овој натпревар славеа со убедливи 8-1.