Бернардо Силва донел одлука за својата иднина

Голема промена се наѕира во Манчестер Сити, бидејќи Бернардо Силва планира да го напушти клубот по крајот на сезоната.

Португалскиот репрезентативец има договор до јуни и нема намера да го продолжи, што значи дека ќе замине како слободен играч. Иако во моментов е целосно фокусиран на обврските со Сити, неговата иднина веќе е насочена кон нов предизвик.

Интерес за Силва веќе постои од неколку клубови, а самиот фудбалер сака ново поглавје во кариерата и трансфер без обештетување ова лето.

Со тоа, Манчестер Сити би можел да остане без еден од клучните играчи во средниот ред, кој со години има значајна улога во успесите на тимот.