Беневенто со 14. порази во серија ќе му биде прв противник на Гатузо (ВИДЕО)

Популарните „Вештерки“ продолжуваат да испишуваат негативни рекорди кога се во прашање 5. најсилни првенства во Европа, Беневенто не знае за ништо друго освен за пораз веќе 14. кола во Серија А.

Вечерва, Аталанта со голот на Кристанте триумфираше над новајлијата во најсилното првенство на Италија со минимални 1-0.

Лошата серија веројатно ќе продолжи и следниот викенд, со оглед на тоа дека Беневенто го пречекува Милан, кој на кормилото ќе го има Џенаро Гатузо.

„Росонерите“ мора да се разбудат по отказот на Винченцо Монтела, а секогаш темпераментниот „Рино“ сигурно нема да дозволи неговите избраници да се избрукаат против најлошиот тим во историјата.