Белгија има нов селектор, потпиша со Руди Гарсија

Белгиската фудбалска федерација во текот на денот ќе го потврди потписот со новиот селектор кој ќе го наследи Доменико Тедеско. Германецот имаше неславна едногодишна авантура на клупата на „ѓаволите“, се скара со неколку ѕвезди и бргу заврши соработката.

Нов селектор на Белгијците ќе биде Руди Гарсија, искусниот француски стратег кој последно го водеше Наполи во 2023 година. Гарсија се договори и потпиша со тамошниот сојуз, а потврдата ќе стигне во текот на денот.

Во кариерата Руди Гарсија ги водеше екипите на Корбеил Езоне, Сент-Етјен, Дижон, Ле Манс, Лил, Рома, Марсеј, Лион и Ал Наср пред Наполи, а сега ќе се проба во селекторските води.