Беласица се засили со уште две имиња пред пролетта во ВМФЛ

Струмичка Беласица продолжува со засилувањата во пресрет на пролетниот дел од сезоната во ВМФЛ, откако во своите редови донесе уште двајца нови фудбалери.

Нов член на второлигашот е Ерион Шуку, централен офанзивец од кого се очекува да внесе дополнителна креативност и поголем квалитет во нападот. Тој во Беласица пристигнува од редовите на Шкупи.

Покрај него, струмичани го ангажираа и Бујар Иљази кој настапува на крилната позиција. Негов последен клуб беше Шкендија Арачиново, а во Беласица веруваат дека и тој ќе претставува сериозно освежување во ростерот.

Амбициите на струмичкиот тим остануваат високи, а со новите имиња раководството се надева дека ќе добие дополнителен импулс во битката што следува во продолжението од шампионатот.