Беласица се засили со фудбалер на Вардар

Eкипата на Беласица пред почетокот на пролетниот дел од сезоната објави уште едно засилување.

Нов член на струмичкиот клуб е Огнен Здравковски кој има 20 години и пристигнува да ја засили конкуренцијата на крилните позиции во тимот на Александар Стојанов.

Во редовите на Беласица Здравковски пристигнува од Вардар.

„Во пресрет на почетокот на пролетната полусезона нашата екипа се засили со уште еден млад и квалитетен играч од нападот. Огнен Здравковски (2004) е играч кој ги покрива крилните позиции и ќе претставува огромно освежување во нашиот ростер. Тој ни доаѓа од екипата на ФК Вардар. Му посакуваме добредојде и успешна сезона во плаво – белиот дрес!“, објави Беласица.