Баварците покажаа моќ, Баерн со голема предност ќе патува во Леверкузен! (ВИДЕО)

Во германското дерби Баерн Минхен со 3-0 го победи Баер Леверкузен и направи голем чекор кон четвртфиналето.

Хари Кејн уште во деветата минута донесе водство за Баварците. Со предност од 1-0 се замина на одморот.

По девет минути игра во вториот дел Мусиала заголеми на 2-0.

Во 62. минута Мукиеле заработи втор жолт картон, Леверкузен остана со фудбалер помалку.

Тоа го искористи Баерн Минхен и во 75. минута Кејн даде уште еден гол, овојпат од пенал за конечни 3-0.