Се чини дека поразот на гостувањето кај Тотенхем викендов
со 4-1 беше многу повеќе од пораз за Ливерпул, па така не стивнуваат критиките
на адреса на германскиот фудбалски стратег Јирген Клоп за очајната игра на
тимот кој заостанува 12 бода зад лидерот во Премиерлигата, Манчестер Сити.
„Јас сум премногу добар во развивањето на игра во
одбраната, за тоа можам и книга да напишам, и тоа за само два часа…“ рече
Клоп реагирајќи на критиките на негова адреса најмногу поради нефункционалноста
во одбранбениот ред на Ливерпул.
На ова реагираше фудбалерот на Барнли, Џои Бартон кој е
под суспензија од фудбалските терени за цели 18 месеци, од кои седум веќе
изминаа, а причината за тоа е незаконско обложување.
„Неодамна говореше околу некоја книга која ќе ја пишел за
два часа. Очигледно дека таа негова книга никој од одбраната, заедно со
голманот, не ја прочитал. Сето тоа што Клоп го говори е само сра*е!“ му порача
Бартон.
„Да не се залажуваме, Ливерпул има одлична офанзива,
Салах е големо засилување, Кутињо го задржаа во тимот… Но, грешките кои
постојано ги прави одбраната ме тераат да се запрашам што работат тие преку
недела на тренинзите?!“ праша Бартон.