Барселона со месеци е во контакт со ѕвездата на Лестер

Репрезентативецот
на Алжир минатата сезона ја одигра на врвно ниво и беше прогласен за Играч на
годината во Премиерлигата во изборот на колегите.

Минатото лето
Ријад Марез се поврзуваше со неколку клубови, помеѓу кои и Барселона, но
фудбалерот на крајот реши да остане верен на Лестер и да стави потпис на нов
договор.

Според пишувањата
на каталонскиот весник Спорт, Ријад Марез одново е на агендата на Барса.

Извештајот вели
дека шампионот на Шпанија веќе неколку месеци е во контакт со ѕвездата на
„Лисиците“.

„Каталонците“ се
спремни да платат помеѓу 35 и 40 милиони евра за услугите на Алжирецот.