Барселона со 4-0 ја совлада Борусија Дортмунд и во Германија ќе треба само рутински да го завери местото меѓу четирите најдобри, ПСЖ со пресврт дојде до триумф од 3-1 над Астон Вила во првиот четвртфинален натпревар меѓу овие две екипи.
Барселона покажа кој е кој во моментов, Борусија Дортмунд која има лоша сезона во Германија, во такво светло се покажа и денеска.
Резултатот го отвори Рафиња кој во 25. минута му украде гол на Кубарси, топката одеше во голот кога Бразилецот само ја допре и нему му се запиша голот.
По три минути игра во второто полувреме Левандовски постигна гол за 2-0, тој беше стрелец и на третиот гол за Барса, овојпат погоди во 66. минута.
Точка на мечот стави Ламин Јамал во 77. минута кога реализираше за конечни 4-0.
ПСЖ ја искористи предноста на домашен терен, победи со 3-1 и со два гола предност ќе патува на гостувањето кај Астон Вила.
Гостите од Англија поведоа во 35. минута кога по една убава акција Роџерс реализираше за водство на Астон Вила од 1-0.
Само четири минути подоцна Дуе постигна прекрасен гол за израмнување на 1-1. Со тој резултат се замина на одморот.
По четири минути игра во второто полувреме Кварацхелија направи една мајсторија и го совлада Мартинез за комплетен пресврт и водство на ПСЖ од 2-1.
Во судиското продолжение од мечот уште една мајсторијата на играчите на ПСЖ, овојпат во режија на Мендеш кој реализира за конечни 3-1.