Барса си „легна на брашното“, Нејмар нема да игра на „Ел Класико“

Голема врева се
крена во Шпанија по обидот на „Каталонците“ со „дупка“ во правилата Нејмар да
настапи на дуелот со Реал Мадрид и покрај тоа што одработува суспензија од три
натпревари.

Барселона синоќа
се надмудруваше со шпанскиот Суд за спортска арбитража (ТАД) и најави дека
Нејмар ќе патува за Мадрид.

Клубот од Камп Ноу со евентуален настап на Нејмар ќе поставеше преседан и ќе ризикуваше службено да го загуби дербито со лутиот ривал.

Но шампионот на
Шпанија утрово го промени ставот и реши да го изостави Бразилецот од списокот
на играчи повикани за „Ел Класико“.

Барса појасни
дека ваквиот потег е поради правните нејаснотии во недостиг на формален одговор
од ТАД, како и поради големата неизвесност која може да му наштети на тимот.