4,K
Барселона не го искористи во целост киксот на Реал Мадрид, „каталонците“ одиграа само 1-1 против Бетис и сега се на +4 на врвот на табелата.
Трката за титулата во Ла Лига ќе остане неизвесна, Барселона пропушти шанса да се одлепи на +6 по киксот на Реал Мадрид против Валенсија.
Вечерва, избраниците на Ханси Флик пред своите навивачи одиграа само 1-1 против Бетис.
Домаќините рано дојдоа во водство, по една убава акција, Гави го отвори резултатот веќе во 7. минута.
Но Бетис одговори веднаш, Натан скокна највисоко по еден корнер и го матираше Шчесни за 1-1 во 17. минута.
И покрај тоа што на отворањето на мечот паднаа два гола, мрежите мируваа до крајот, и бодовите беа поделени.