Барса доби поддршка од Гвардиола: Јас немаше да играм против Лас Палмас!

Барселона побара денешниот натпревар против Лас Палмас да биде одложен откако на улиците настана хаос по обидот на властите од Мадрид да го спречат референдумот за независност на Каталонија.

Но Ла Лига и Фудбалската федерација на Шпанија наредија средбата да се одигра во планираниот термин, па на Барса и се закануваше службен пораз и одземање бодови.

Затоа „Каталонците“ истрчаа на теренот но средбата се играше зад затворени врати.

На оваа тема вечерва се огласи Пеп Гвардиола, кој рече: „Јас немаше да играм против Лас Палмас. Ако мораше да се игра, тогаш тоа ќе беше со публика а не зад затворени врати“.