Барела ја одбил најголемата понуда која некогаш ја добил еден италијански фудбалер

Фудбалерот на Интер Николо Барела ја одбил најголемата понуда која ја добил еден Италијанец некогша, пренесува „Газета дело Спорт“.

Според информациите на еден од најпознатите италијански медиуми, Барела од саудискиот Ал-Хилал одбил понуда од 35 милиони евра по сезона.

Италијанците пишуваат дека и самиот Барела бил изненаден од понудата, но сепак ја одбил затоа што негова желба е да остане во Европа.

Со плата од 35 милиони евра годишно, Барела би го срушил рекордот помеѓу италијанските фудбалери кој во овој момент го држи напаѓачот Грацијано Пеле. Пеле во кинскиот Шандонг Луненг заработуваше 16 милиони евра по сезона.