Барди добива соиграч од Арсенал?

Според „Марка“, Леванте се обидува да го позајми Лукас Перез од Арсенал кој минатото лето на Емирати пристигна од Депортиво.

Перез е разочаран од малата минутажа која ја имаше во Арсенал и сака да замине од клубот, таквата негова позиција се обидува да ја искористи Леванте. 

Леванте му нуди 1,5 милиони евра на Арсенал за едногодишна позајмица на Лукас Перез плус да ја покрие целата негова плата која изнесува 3 милиони евра годишно.

Се верува дека Арсенал може да одговори позитивно на овој предлог на Леванте иако тие преферираат комплетно да го продадат за сума од околу 15 милиони евра.