Откако Ханси Флик го превзеде кормилото на „баварците“, шампионот на Германија нанижa четири победи со гол разлика 16-0. Сепак, Баер Леверкузен и Бејли денеска го сопреа залетаниот Баерн Минхен.
Фудбалерот од Јамајка погоди два пати и помогна неговиот тим да слави со 1-2 и да си замине од Алианц Арена со три бода. Домаќините доминираа, креираа голем број на шанси но беа прилично лоши во завршницата. Конечниот исход и неефикасноста беше причина за „фармацевтите“ убаво да го истролаат Роберт Левандовски.
Полјакот, по шоуто во Белград и постигнати четири гола за 15 минути против Црвена звезда во Лигата на шампионите, на социјалните мрежи напиша: „Морам да признам… зависен сум од голови“.
На ова објава, од таборот на Баер сега одговорија: „Ние можеме да помогнеме да го излечиме тоа“.
We can help cure that. https://t.co/h0ilhTdM2B
— Bayer 04 Leverkusen (@bayer04_en) November 30, 2019