Атлетико не го дава Гризман, останува до крајот на сезоната!

Постоеше опција Антоан Гризман деновиве да потпише за Орландо Сити во МЛС, но тоа нема да се случи.

Директорот на Атлетико Мадрид, Матеу Алемани е дециден дека Гризман останува.

„Гризман останува со нас“, беше неговата кратка изјава.

Новиот план е Гризман да ја доврши сезоната, тој е важен бидејќи Атлетико Мадрид ќе игра во финалето од Купот на Шпанија и ќе се бори за трофеј. А откако сезоната ќе заврши, како слободен играч ќе се пресели во Орландо Сити.