Артета кратко и јасно: Трката за титулата е отворена!

Фудбалерите на Арсенал славеа кај Кристал Палас со убедливи 1-5 во рамките на 17. коло на Премиер лигата.

„Топчиите“ го заборавија кризниот период, а во првенството победија по две ремија во низа. По натпреварот пред камерите на „Скај“ тренерот Микел Артета доби прашање за шампионската трка. Тој не сакаше многу да зборува и само кратко прокоментира.

„За нас трката за титулата е апсолутно отворена! Сè уште е премногу рано. Да продолжиме понатаму и да победуваме натпревари“, кажа Артета.

Арсенал има 33 бода и се наоѓа на третата позиција на табелата. Лидер е Ливерпул со 35, но има и два натпревари помалку од момците на Артета. Второпласиран е Челси кој пак има 34 бода со меч помалку од Арсенал, а меч повеќе од Ливерпул.