Арсенал се надева на трета среќа во обидот да го купи Лемар

Откако го комплетираат трансферот на Лаказет од Лион, Арсен Венгер сака да донесе најмалку уште едно засилување од Франција, а следна голема цел е Томас Лемар од Монако.

Арсенал веќе испрати две понуди за Лемар, почна со 30 милиони фунти, па зголеми на 40 милиони фунти, последните информации велат дека ќе испратат и трета понуда која ќе изнесува 45 милиони фунти.

Доколку не успеат да го купат Лемар, Ријад Марез е резервната опција на Арсенал, но и Лестер бара многу за својот најдобар фудбалер.

По сезоната во која не успеа да се пласира во Лигата на шампионите, се чини дека Венгер е поактивен во летниот преоден рок и би требало да донесе уште неколку квалитетни засилувања во Арсенал.