Aрсенал и покрај вложувањата загуби на првиот домашен меч летово!

Арсенал не може да фати посакуван ритам пред стартот на сезоната. „Топчиите“ претрпеа втор пораз во низа во подготвителниот период бидејќи загубија од Виљареал на домашен терен со 2-3.

Стартот на натпреварот на „Емирати“ во целост им припадна на гостите, бидејќи двојна предност донесоа екс-играчот на Арсенал Никола Пепе и Ета Ејонг до 33. минута. До полувремето деби-гол за новиот клуб даде Кристијан Норгард и ја намали негативата (1-2).

По период во кој имаше многу замени Виљареал преку Данјума успеа да стекне двојна предност по вторпат. Потоа конечните 2-3 ги постави Мартин Одегард од белата точка.

По натпреварот се изведуваа и пенали кои Виљареал ги доби со 4-3.