Антонио Конте ја кажа својата страна на приказната, откри кога го „шкртнал“ Диего Коста

Бразилецот со шпански пасош по дуелот со Македонија во Скопје минатиот месец на медиумите им откри дека Антонио Конте по смс порака го известил дека треба да си пронајде нов клуб.

Менаџерот на Челси сега ја кажа својата страна на приказната, вели дека го „шкртнал“ Диего Коста уште на стартот од годината кога двајцата имаа голема расправија.

„Во јануари, ситуацијата на Коста беше прилично јазна за клубот, за играчот и за неговиот агент“ – вели Италијанецот.

„За мене, оваа приказна е завршена“.

„Сините“ веќе пронајдоа замена за Диего Коста, на Стемфорд Бриџ пристигна Алваро Мората за рекордна сума.