Тјери Анри вели дека на Ханси Флик не можат да му се препишат сите заслуги за одличните резултати на Барселона, влијание има и Чави.
„Каталонците“ играат одлично под водство на Ханси Флик оваа сезона, вчера забележаа убедлива победа од 2-5 на гостувањето кај Црвена звезда во Лигата на шампиони.
Германецот добива многу пофалби за работата која ја заврши по преселбата на Камп Ноу, но Тјери Анри смета дека не треба сите заслуги да му се препишуваат на него.
„Не мислам дека Ханси Флик започна нова ера… Чави го направи тоа. Тој само го продолжи она што Чави го почна“ – вели легендарниот напаѓач на Арсенал и Франција.
„Чави им даде шанса на Кубарси, Јамал и многу други. Па Флик само продолжи“.
„Од големо значење се двете сезони под водство на Чави, особено што минатата сезона им беше прилично комплицирана, така се учи многу и се гради карактер“.