Селекторот Игор Ангеловски ја одржа последната прес конференција како селектор на Македонија.
„Кога ќе спласнат емоциите ќе дадеме генерална оценка. Сега можам да кажам само дека беше огромно задоволство да се води Македонија на едно ЕП. Да ја почувствуваме и ние убавината на ЕП и заедно со навивачит да и се претставиме на Европа. Мислам дека не треба да бидеме разочарани, ова беше нас дебитантски настап, го разбивме ледот, им благодарам на сите“, вели Ангеловски.
„Никогаш не ги коментирам судиите. А тоа што поставивме цел да ја поминеме групата е нормално, инаку зошто би оделе на Европско првенство“.
„Ова е моја последна прес-конференција и сакам да искажам благодарност до целиот мој стручен штаб, до мојот медицински персонал, фудбалерите предводени од капитенот Горан Пандев, благодарност до сите домашни и странски медиуми за соработката што ја имавме. И на крајот морам да се заблагодарам на моето семејство за сета поддршка што ја добивав. Ова се моменти кои засекогаш ќе ги паметам, никогаш нема да заборавам дека сме биле дел од ова. Никогаш не ги делам играчите, нема сега да зборувам за тоа кој задоволил, а кој не, оставам на тие што ќе дојдат после мене да го направат тоа“.
„Овој меч не беше голем само за Панев, туку за цела Македонија, испраќавме великан кој не задолжи сите со својата голема кариера и човекот што не задолжи со сето тоа што го има направено за фудбалот во Македонија. Јас можам само да кажам дека сум среќен што пет и пол години работев со таков капитен и таков човек и му благодарам за се. Идните генерации имаат еден добар пример за тоа како треба да се однесуваат, како треба да работат за да стигнат до величините што ги стигна Горан Пандев“.