Тренерот на Реал Мадрид, Карло Анчелоти вели дека само Килијан Мбапе одиграл на ниво во поразот од 2-5 против Барселона во Суперкупот на Шпанија.
„Кралевите“ и втор пат оваа сезона доживеаја тежок пораз во пресметките против Барселона, синоќа загубија со 2-5 во Суперкупот на Шпанија.
„Тажен сум исто како секој фан на Реал Мадрид. Не треба да се крие разочарувањето после ваков пораз, но таков е фудбалот. Некогаш победувате, друг пат треба да извлечете поука од поразот. Но сезоната е долга и треба да гледаме позитивно на иднината“ – рече Карло Анчелоти по загубеното финале.
„Игравме многу лошо во одбрана и ова е причината за убедливиот пораз. Противникот лесно постигнуваше голот, не бевме доволно добро ниту кога притискавме високо, ниту кога се браневме ниско во блок“.
„На полувремето побарав од моите играчи да почнат да играат фудбал бидејќи во првиот дел не го правеа тоа. Се обидувавме да направиме нешто со долги топки, а тоа не беше договорот кој го имавме. Им кажав дека можеме да загубиме, но не на начинот на кој игравме во првото полувреме“.
„Единствена позитивна работа од мечот е начинот на кој Мбапе одигра, тој беше нашиот најдобар поединец, одигра онака како што требаше, одлично се движеше и постигна гол. Останатите што побрзо треба да го заборават овој натпревар“.