Тренерот на Реал Мадрид, Карло Анчелоти имаше лекција за младите Ендрик и Арда Ѓулер кои често се во фокусот на јавноста поради младата минутажа, стратегот особено го опомена Турчинот за една работа.
Карло Анчелоти и на денешната средба на новинарите доби прашања за Ендрик и Арда Ѓулер, кои ја грејат клупата, а стратегот одржа лекција која треба да ја слушна тсите.
„Секој фудбалер кој има одреден сомнеж, може слободно да дојде кај мене во канцеларија. Слушам дека има „случај Ѓулер“ но нешто такво не стигнало до мене. Тој, исто како и сите млади играчи, треба да поминат низ одреден процес. Така беше и со Винисиус, со Родриго и со Валверде“ – вели Карло Анчелоти.
„Потребно е време за да стане дел од најдобриот состав во светот. На сите ова им е јасно, а ако тие не разбираат… едноставно ќе мора да разберат. Конкуренцијата за место во тимот е огромна“.
Кога новинарите продолжија да прашуваат на оваа тема, стратегот додаде: „Секој ден сум со нив, и одредени денови не се среќни. Но ова е сосема нормално, никогаш не сум видел играч да биде среќен поради тоа што не игра“.
„Гледам фудбалер кој работи напорно, учи и сака да игра. Но јас поминувам со него само мал дел од времето. Тој поминува многу време со други луѓе и не знам дали тие имаат исти идеи како мене – односно да забележи напредок и да игра за Реал Мадрид“.