Анчелоти краток и јасен: Се огласи по најавите дека ќе замине од Мадрид

Шпанските медиуми во текот на вчерашниот ден објавија информација дека италијанскиот стратег Карло Анчелоти има намера да го напушти Реал Мадрид на крајот од сезоната.

Сепак, денеска се огласи самиот Анчелоти кој вели дека нема намера да замине од Мадрид.

„Ќе бидам јасен. Никогаш нема предвреме да објавам датум кога би заминал, тоа го решавам моментот кога ќе дојде, не се планиеам. Можеби ќе биде за неколку години, можеби и за неколку дена. Флорентино Перез ќе остане тука до 2029 година и моја цел е да бидам со него“, истакна Анчелоти.