Аморим за поврзувањето на капитенот со Реал: Нема да оди никаде!

Тренерот на Манчестер Јунајтед, Рубен Аморим, зборуваше за можноста од клубот да замине капитенот Бруно Фернандеш.

Португалецот беше поврзуван со Реал Мадрид, а наводно „кралевите“ беа подготвени сериозно да платат за 30-годишникот. Сепак, Аморим нагласи дека капитенот нема да оди никаде.

„Тоа нема да се случи. Тој нема да оди никаде, тоа веќе му го кажав и на Бруно“, изјави Аморим.

Бруно Фернандеш оваа сезона имаше 16 погодоци во сите натпреварувања и е единствен играч на Јунајтед со двоцифрен учинок.