Аморим: Јас мислам на тимот, вие мислите на Рашфорд!

Португалскиот стратег вчера конечно го повика Маркус Рашфорд во составот, но напаѓачот остана на клупата за резерви иако Манчестер јунајтед губеше со 2-0 од Њукасл по 20 минути игра.

Со оглед на тоа што Рашфорд е искусен напаѓач, а Јунајтед имаше негатива на Олд Трафорд, логично беше прашањето на новинарите зошто тој не влезе во игра? Но, Аморим имаше нервозен одговор.

„Јас мислам на тимот, вие многу мислите на Рашфорд“, рече кратко Аморим.

„Не е дека сакам да докажам некаква поента со тоа што го изоставам Рашфорд. Само сакам да победувам, затоа ги носам одлуките“.