Аморим има катастрофални резултати во Јунајтед, но се појави некој кој сака да го доведе: Сигурно ќе биде тука!

Стратегот на Манчестер јунајтед, Рубен Аморим веќе се поврзува со нов клуб, иако и понатаму ги предводи „црвените ѓаволи“ каде што има резултати далеку под очекувањата.

Имено, на 25 октомври во Бенфика ќе се одржат избори за нов претстадел, а фаворитот за оваа функција Жоао Нороња Лопез вети дека Аморим еден ден ќе ја води Бенфика.

„Рубен Аморим сега е тренер на Манчестер јунајтед, но едно знам, сигурно еден ден ќе ја води Бенфика“, изјави Лопез.

Инаку, Лопез викендов присустуваше во Манчестер каде што го гледаше градското дерби помеѓу Сити и Јунајтед.

Аморим во Бенфика е добро познато лице бидејќи во својата кариера како фудбалер, таму помина девет сезони (2008-2017).

Ќе потсетиме, во Манчестер јунајтед дојде од редовите на Спортинг.