Холандскиот дефанзивец Тајрел Маласија повторно ќе тренира со првиот тим на Манчестер Јунајтед, иако целото лето го мина на листата за продажба и беше сметан за вишок на „Олд Трафорд“.
Маласија имаше 26 години и беше ставен во ист пакет со Маркус Рашфорд, Алехандро Гарначо, Џејдон Санчо и Антони, но за разлика од нив остана во клубот откако пропадна неговата планирана позајмица во шпански Елче.
Досега тој тренираше со У21 тимот на „црвените ѓаволи“. Сепак, тој сега се враќа во првиот тим на Јунајтед. Клупски извори велат дека станува збор за одамна зацртан план, а не за реакција поради слабата форма на екипата или проблеми со повреди.
Маласија пристигна во Манчестер Јунајтед во 2022 година како прво засилување на тогаш новиот менаџер Ерик тен Хаг. Во сезоната 2022/23 беше стандарден член на стартниот состав, но на крајот од истата заработи тешка повреда на коленото. Поради долгиот процес на рехабилитација, тој мораше целосно да ја прескокне минатата натпреварувачка година 2023/24.