Алегри се повреди на хуманитарен натпревар

Иако остануваат уште само неколку дена до големото финале од Лигата на шампионите против Реал Мадрид, тренерот на Јуве, Масимо Алегри најде време да настапи и на хуманитарен меч.

Стратегот на Јуве играше само 15 минути по кои мораше да го напушти мечот поради повреда.

„Се работи само за мало истегнување, ништо сериозно“ – вели Алегри.

„Ова се прекрасни ноќи и важно е да се биде дел од нив, да им помогнеме малку на оние на кои им треба помош“.

„Жалосно за мене е што можете против се, освен против годините“.

Покрај 49-годишниот Алегри, на натпреварот настапија и ѕвезди како Дел Пјеро и Недвед.