Ал Келаифи: Луис Енрике е најдобриот тренер во светот!

ПСЖ вчера одигра импресивен натпревар, губеше со 2-0 од Манчестер Сити и успеа со голем пресврт да дојде до многу важна победа од 4-2.

Притисокот врз Луис Енрике беше голем, ПСЖ пред натпреварот со Сити беше надвор од местата кои водат во нокаут фазата во Лигата на шампионите, па триумфот им беше неопходен.

Францускиот тим одигра одличен натпревар и успеа да победи, а потоа стигнаа големи пофалби претседателот на ПСЖ за тренерот Луис Енрике.

„Ние го имаме најдобриот тренер во светот во Луис Енрике“, рече Ал Келаифи.

„Тој беше критикуван, но дури и да го загубевме овој меч, за мене тој е најдобриот тренер во светот. Игравме со идентитет против Манчестер Сити. Тој покажа дека нашиот тим има ДНК“.