„Ако продолжиш вака ќе завршиш како Роналдињо” – помошникот на Енрике во расправија со Нејмар

Тензии во соблекувалната на „Каталонците“ по расправијата помеѓу десната
рака на Луис Еерике, Хуан Карлос Унзуе и Нејмар.

Ел Мундо Депортиво, весник близок до Барселона, пренесе дека на еден тренинг минатата недела, помошник тренерот не бил
задоволен од залагањето на Бразилецот па му упатил неколку замерки на напаѓачот.

Според Марка, Нејмар особено се налутил кога Унзуе му порачал: „Ако продолжил вака ќе
завршиш како Роналдињо”.

Останува да се види дали двајцата ќе успеат да го поправат односот, особено
поради тоа што Хуан Карлос Унзуе е еден од најсериозните кандидати за
тренерското столче на Барса, а Нејмар е инината на „Каталонците“.